“Atletiko Madrid” və “Real Madrid” arasında İspaniya Superkubokunun yarımfinal oyunu başa çatıb.
İdman.Biz bildirir ki, komandalar Səudiyyə Ərəbistanının Ciddə şəhərindəki “Kral Abdullah Sports City” stadionunda oynayıblar. “Real Madrid” 2:1 hesablı qələbə qazanıb.
“Real Madrid”in müdafiəçisi Federiko Valverde ikinci dəqiqədə hesabı açıb. “Los Blancos”un yarımmüdafiəçisi Rodriqo 55-ci dəqiqədə komandasının üstünlüyünü ikiqat artırıb. “Atletiko”nun hücumçusu Aleksander Sörlot 58-ci dəqiqədə fərqi azaldaraq yekun hesabı müəyyənləşdirib.
“Real Madrid”in oyunçusu Vinisius Junior 81-ci dəqiqədə əvəzlənib. Əvəzlənmədən sonra Vinisiusla “Atletiko Madrid”in baş məşqçisi Dieqo Simeone arasında mübahisə yaşanıb.
Dünən digər yarımfinal matçında “Barselona” və “Atletik Bilbao” qarşılaşıb. Oyun 5:0 hesabı ilə Kataloniya komandasının xeyrinə başa çatdı. Beləliklə, “Barselona” və “Real Madrid” 11 yanvarda keçiriləcək turnirin finalında üz-üzə gələcəklər.
“Barselona” hazırkı İspaniya Superkubokunun sahibidir. 2025-ci il turnirinin finalında komanda “Real Madrid”i 5:2 hesabı ilə məğlub edib.
