“Ayaks” “Mançester Yunayted”in yarımmüdafiəçisi Manuel Uqarteni transfer etməkdə maraqlıdır.
İdman.Biz-in Voetbal International-a istinadən məlumatına görə, Amsterdam klubu 24 yaşlı futbolçunu icarəyə götürməyi düşünür.
Mənbənin məlumatına görə, uruqvaylı Niderland nəhənginə keçməyə açıqdır, lakin onun maaşı buna maneə ola bilər. Klublar bu məsələ ilə bağlı razılığa gəlməlidirlər.
Daha əvvəl media orqanları “Qalatasaray”ın Uqarte ilə maraqlandığını bildirmişdilər.
Bu mövsüm uruqvaylı bütün yarışlarda 16 oyunda meydana çıxıb və qol vurmayıb. Onun klubla müqaviləsi 2029-cu ilin yayına qədərdir. Transfermarkt portalındakı məlumata görə, onun bazar dəyəri 30 milyon avrodur.
