“Real Madrid”in hücumçusu Kilian Mbappe 2025-ci ildə Çempionlar Liqasında 14 qol vurub.
İdman.Biz turnirin X sosial media səhifəsindəki hesabına istinadən bildirir ki, bu, cari ildə yarışda ən yüksək qol göstəricisidir.
“İnter”in hücumçusu Lautaro Martinez 2025-ci ildə 12 dəfə qapıdan qol vuraraq ikinci yerdədir. “Bavariya”nın hücumçusu Harri Keyn ilk üçlüyü 11 qolla tamamlayır.
Qeyd etmək lazımdır ki, PSJ-nin cinah oyunçusu və “Qızıl top” mükafatçısı, 2024/25 mövsümünün Çempionlar Liqasının ən yaxşı oyunçusu seçilən Usman Dembele bu il doqquz qol vurub.
