Türkiyə Superliqasının klublarından olan “Antalyaspor” baş məşqçisi Erol Bulutla yollarını ayırıb.
İdman.Biz bildirir ki, çalışdırıcı uğursuz nəticələrə görə istefaya göndərilir.
Komanda son olaraq Superliqanın 16-cı turunda doğma meydanda “Qalatasaray”a uduzub – 1:4.
“Antalyaspor” turnir cədvəlində 15 xalla 15-ci pillədə qərarlaşıb.
Erol Bulut oktyabr ayında “Antalyaspor”un baş məşqçisi vəzifəsinə təyin olunmuşdu. Komanda onun rəhbərliyi altında keçirdiyi 10 oyunda 3 qələbə qazanıb, 2 heç-heçə edib, 5 dəfə isə məğlub olub.
