“Bavariya”nın qapıçısı və kapitanı Manuel Noyer Almaniya Bundesliqasının 14-cü turunda “Mayns” ilə oyunda (2:2) aldığı zədə səbəbindən sıradan çıxıb.
İdman.Biz bildirir ki, bu barədə klubun rəsmi saytında məlumat verilib.
“Bavariya”nın tibbi heyəti Noyerin sağ budunda əzələ yırtığının olduğunu təsdiqləyib. Onun sağalma müddəti dəqiqləşdirilməyib.
Bu matç “Bavariya”nın mövsümdəki yalnız ikinci heç-heçəsi olub; komanda digər bütün matçlarda qalib gəlib. 14 matçdan 38 xalla onlar Almaniya Bundesliqasının turnir cədvəlinin zirvəsində möhkəm dayanırlar. Noyer 14 matçdan 12-də oynayıb və beşində qapısını toxunulmaz saxlayıb.
