“Mançester Siti”nin hücumçusu Erlinq Holand Premyer Liqada 100-cü qolunu turnirin 14-cü turunda “Fulhem”in qapısına vurub.
İdman.Biz bildirir ki, 25 yaşlı hücumçu Premyer Liqa tarixində bu rəqəmə ən tez çatan oyunçudur.
“Nyukasl”ın eks-hücumçusu Alan Şirer 125 oyunda 100 qol vuraraq ikinci yerdədir.
Holand “Siti”yə 2022-ci ilin yayında qoşulub. Onun klubla hazırkı müqaviləsi 2034-cü ilin yayına qədərdir.
Transfermarkt-dakı məlumata görə, onun bazar dəyəri 180 milyon avrodur.
