Qazaxıstan milli komandasının hücumçusu Dastan Satpayev, DÇ-2026-nın seçmə oyununda Belçikaya qol vuraraq milli komandanın tarixində ən gənc qol vuran oyunçu olub.
İdman.Biz bildirir ki, oyun 1:1 hesabı ilə başa çatıb.
“Kayrat”ın oyunçusu doqquzuncu dəqiqədə qol vuraraq Qazaxıstan milli komandası üçün rekord qırıb. Satpayev milli komandada debüt qolunu 17 yaş, 3 ay və 3 günlüyündə vurub. Əvvəlki rekord 2018-ci ilin mart ayında 18 yaş, 1 ay və 19 günlüyündə Macarıstana (3:2) qol vuran cinah oyunçusu Yerkebulan Seidahmetə məxsus idi.
2026-cı ilin avqustunda Dastan Satpayev “Çelsi”yə keçəcək. İngilis klubu oyunçunun transferi üçün 2,4 milyon avro ödəyib.
