“Yuventus”un baş məşqçisi İqor Tudor komandasının son nəticələrindən qıcıqlandığını bildirib.
İdman.Biz-in məlumatına görə, Tudor oynadıqları matçların siyahısını şərh etməkdə aciz qaldığını bildirib.
“Hər oyun əvvəlkindən fərqlidir. Bir-birinin ardınca gələn bu matçları necə şərh edəcəyimi bilmirəm. Ard-arda “İnter”, “Milan” və “Atalanta” ilə oyunumuz var idi. Analiz adətən nəticələrə, bəzən isə başqa nəyəsə əsaslanır. Mən buna diqqət yetirirəm. Rəqiblərin səviyyəsini də nəzərə almaq lazımdır", - “Football Italia” Tudordan sitat gətirib.
Oktyabrın 22-də Çempionlar Liqasının 3-cü turu çərçivəsində “Yuventus” “Real”la qarşılaşacaq.
Oyun İspaniyanın “Santyaqo Bernabeu” stadionunda keçiriləcək.
