“Mançester Siti”nin hücumçusu Erlinq Haland həm klub, həm də Norveç millisi üçün ardıcıl 12 matçda qol vurub.
İdman.biz-in məlumatına görə, “şəhərlilər”in forvardı “Real Madrid”in sabiq futbolçusu Kriştiano Ronaldonun rekordunu təkrarlayıb.
Bu müddətdə Haland 22 qol vurub və üç məhsuldar ötürmə edib. Bu barədə İngiltərə Premyer Liqasının X sosial şəbəkəsindəki səhifəsində məlumat verilib.
Norveçli futbolçunun ən son qolu Çempionlar Liqasının 3-cü turunda “Vilyarreal”la oyunda olub.
