“Real Madrid”in yarımmüdafiəçisi Federiko Valverde Uruqvay millisinin baş məşqçisi Marselo Bielsadan dincəlmək üçün onu oktyabrda keçiriləcək yoldaşlıq görüşlərinə çağırmamağı xahiş edib.
İdman.biz bildirir ki, Uruqvay yığması oktyabrın 10 və 13-də Dominikan Respublikası və Özbəkistanla qarşılaşacaq.
Valverde bu mövsüm bütün turnirlərdə 9 oyun keçirib və 3 məhsuldar ötürmə edib. Ümumilikdə yarımmüdafiəçi son 3 ildə İspaniya klubunun heyətində 184 mümkün matçın 174-də meydana çıxıb.
O, həmçinin milli komandanın heyətində 23, ümumilikdə 197 oyun keçirib.
