Müdafiəçi Jordi Alba cari MLS mövsümünün sonunda karyerasını başa vuracağını açıqladıqdan sonra “İnter Mayami” keçmiş “Real Madrid” və “Mançester Yunayted” müdafiəçisi Serxio Regilonu transfer etməyi düşünür.
Bu barədə İdman.biz ESPN-ə istinadla xəbər verir.
Nəşrin məlumatına görə, Regilon “Tottenhem”in heyətində ötəm mövsüm 6 oyun keçirib və qol vurmayıb. Müdafiəçi daha əvvəl “Real Madrid”, “Atletiko Madrid”, “Sevilya”, “Mançester Yunayted” və “Brentford”da çıxış edib.
Regilon İspaniya milli komandasında da altı oyun keçirib.
Albanın müqaviləsi 2027-ci ilə qədərdir. Buna baxmayaraq, ispaniyalı karyerasını bitirmək qərarına gəlib. Müdafiəçi bu mövsüm Şimali Amerika Liqasında 28 matçda 5 qol vurub və 9 məhsuldar ötürmə edib.
