Baş məşqçi Rafael Urazbaxtin “Kayrat”ın futbolçularına verilən hədiyyələrə skeptic yanaşdığını bildirib.
“Kayrat”"ın qapıçısı Şerxan Kalmurzaya Çempionlar Liqasının “Real”la oyunundan (0:5) sonra avtomobil hədiyyə edilib.
“Biz bu hədiyyələri verməyi iş adamlarımıza qadağan edə bilmərik. Amma burada başa düşməliyik ki, bir oyunçunu fərqləndirmək düzgün deyil. Bu, komanda idmanıdır.
Mənim fikrim belədir: əgər kömək etmək istəyirlərsə, kömək etsinlər, amma, məsələn, kluba. Məsələn, avtobus, ya da mikroavtobus. Ya da hədiyyə verəcəklərsə, hamıya verməlidirlər.
Komanda işimiz nöqteyi-nəzərindən, təbii ki, hər hansı bir şəxsi ayırmaq düzgün deyil. Biz bir komandayıq. Amma yenə də, mən hədiyyə verməyi qadağan edə bilmərəm", - “Kayrat”ın baş məşqçisi deyib.
