Bolqarıstanın paytaxtı Sofiyada keçirilən ağırlıqqaldırma üzrə Avropa çempionatı start götürüb.
İdman.biz xəbər verir ki, Azərbaycan millisinin heyətində ilk olaraq Nazilə İsmayılova körpücük üzərinə qalxıb.
O, 45 kq çəki dərəcəsinin B qrupunda qüvvəsini sınayıb.
Atletimiz toplam 128 kq (58+70) nəticə göstərib və B qrupunda 3-cü olub.
Nazilənin yekun sıralamadakı yeri bu çəki dərəcəsinin A qrupunda çıxışlar başa çatandan sonra məlum olacaq.
Qeyd edək ki, 43 ölkədən 402 atletin (202 kişi + 200 qadın) qatıldığı çempionat fevralın 20-dək davam edəcək.
İdman.biz