Sloveniyanın qadın voleybol yığması Bakıda keçiriləcək Avropa Qızıl Liqasının oyunları ərəfəsində Fransada təlim-məşq toplanışı keçirir.
İdman.biz xəbər verir ki, heyətində 15 idmançının yer aldığı komanda Tuluzada məşqlərə başlayıb.
Sloveniyalı voleybolçu Mia Şiftar qarşılarına yüksək hədəflər qoyduqlarını bildirib: "Ona görə də lap əvvəldən müsbət enerji hiss olunur. Ciddi və çox çalışmalıyıq. Qızıl Avroliqada mümkün qədər yaxşı oynamaq vacibdir".
Sloveniya millisinin baş məşqçisi Alessandro Orefiçe görülən işlərdən razı qalıb: "Klub mövsümündən sonra yenidən milli komanda sisteminə uyğunlaşmalı olduq. Bir-birimizi yaxşı tanıyırıq və Qızıl Avroliqanın ilk matçında ən yaxşı formada olmaq üçün addım-addım irəliləyirik".
Tuluzadakı təlim-məşq toplanışından sonra sloveniyalılar evdə məşq edəcək, daha sonra Bakıda keçiriləcək Avropa Qızıl Liqasının ilk turnirinə yollanacaqlar.
Azərbaycan millisi Sloveniya komandası ilə mayın 31-də qarşılaşacaq.
İdman.biz
