Qadın voleybolçulardan ibarət Azərbaycan millisi Almaniyanın Düsseldorf şəhərində keçirilən Avropa çempionatında bu gün saat 19.00-da növbəti oyununa çıxacaq.
İdman.biz-in məlumatına görə, Ataman Güneyligilin yetirmələri yer aldıqları C qrupunun 4-cü matçında Yunanıstanla qarşılaşacaqlar.
İlk üç turdan sonra hər iki komandanın hesabında 3 xal olduğundan, növbəti mərhələyə vəsiqə uğrunda gərgin mübarizə yaşanacaq.
Bu gün qrupun digər qarşılaşmasında ev sahibi Almaniya yığması Çexiyanı (22:00) sınağa çəkəcək.
Qeyd edək ki, qrupun dünən keçirilən oyunlarında Türkiyə Çexiyanı, İsveç isə Almaniyanı 3:1 hesabı ilə məğlub edib.
İdman.biz
