Voleybol yığmalarının FİVB reytinqi açıqlanıb.
İdman.biz xəbər verir ki, cədvəldə Azərbaycan milli komandalarının da mövqeyi bəlli olub.
Qadınlardan ibarət millimiz 33 xalla dünyanın 32-ci komandasıdır. Baş məşqçisiz olan komanda son siyahı ilə müqayisə mövqeyini qoruyub.
Qadın yığmaların cədvəlinə Çin başçılıq edir. Onların aktivində 320 xalı var. Asiya təmsilçisini ABŞ izləyir (266 xal). “Üçlüy”ü Serbiya qapayır – 252 xal.
Kişilərdən ibarət komandamız da yerində sayıb. Onlar 83,33 xalla planetin 46-cısıdır.
İlk “üçlük” də dəyişməz qalıb. Polşa (421,14), ABŞ (390,91) və İtaliya (342,43) ön sıralarda qərarlaşıb.
İdman.biz