Azərbaycan millisinin baş məşqçisi Ayxan Abbasov Tacikistan yığmasına qarşı keçirəcəkləri yoxlama oyunu öncəsi fikirlərini bölüşüb.
İdman.Biz xəbər verir ki, 45 yaşlı mütəxəssis mətbuat konfransında qarşılaşmaya ciddi hazırlaşdıqlarını bildirib.
“Bizi qarşıda 4 oyun gözləyir. Milli səviyyəsində ilk dəfədir ki, belə qısa müddətdə 4 matç keçirəcəyik. Bu səbəbdən geniş heyət formalaşdırmışıq. Tacikistan millisi 2026-cı ildə keçirdiyi oyunlarda məğlub olmayıb. Rəqibə hörmətlə yanaşırıq. Sabah yaxşı futbol nümayiş etdirərək qələbə qazanmaq istəyirik. Futbolçularımız bunun üçün əllərindən gələn hər şeyi edəcəklər”, - deyə Abbasov vurğulayıb.
Qeyd edək ki, Azərbaycan – Tacikistan qarşılaşması sentyabrın 23-də 8-ci km qəsəbə stadionunda keçiriləcək. Görüş saat 20:00-da başlayacaq.
