Türkiyə Super Liqasının üçüncü turunda “Gənclərbirliyi” evdə “Erzurumspor”u qəbul edib.
İdman.biz xəbər verir ki, görüş 1:1 hesabı ilə başa çatıb. “Erzurumspor”un heyətində Azərbaycan millisinin futbolçusu Nəriman Axundzadə də meydana çıxıb.
Matçda hesabı 55-ci dəqiqədə “Erzurumspor”un futbolçusu Eren Tozlu açıb. “Gənclərbirliyi” isə 68-ci dəqiqədə Adama Traorenin qolu ilə hesaba tarazlıq gətirib.
Azərbaycan millisinin üzvü Nəriman Axundzadə 85-ci dəqiqədə Martin Rodrigesi əvəzləyərək meydana daxil olub.
Qalan dəqiqələrdə qol olmayıb və qarşılaşma 1:1 hesabı ilə yekunlaşıb.
Bu nəticədən sonra “Erzurumspor” 3 turdan sonra bir xalla turnir cədvəlinin 16-cı pilləsində qərarlaşıb.
