UFC şərhçisi Co Roqan İslam Maxaçevin yarımorta çəki dərəcəsindəki gələcəyi ilə bağlı fikirlərini açıqlayıb.
İdman.Biz xəbər verir ki, Roqan rusiyalı döyüşçüyə yenidən yüngül çəkiyə qayıtmağı məsləhət görüb. Onun fikrincə, Maxaçev yarımorta çəkidə rəqiblərini nəzarətdə saxlamaq üçün əvvəlkindən daha çox fiziki güc sərf edir.
“İslamın bədəninə düşən yükdə ciddi fərq var. Bu qədər iri və güclü rəqibləri yerdə saxlamaq üçün daha böyük fiziki əvəz ödəməli olur. Dastin Porye və Çarlz Oliveyra ilə nə etdiyinə baxın. Üst mövqeyə keçəndə onları sadəcə əzirdi. Yüngül çəkidəki İslamla yarımorta çəkidəki İslam arasındakı fərq də budur. Onun nə əldə etmək istədiyini anlayıram, amma onun qarşısında olsaydım, yüngül çəkiyə qayıtmağı təklif edərdim”, – deyə Roqan bildirib.
Maxaçev daha əvvəl yüngül çəkidən yarımorta çəkiyə yüksələrək UFC çempionu olub. UFC 330 turnirində onun yarımorta çəkidə titulunu ilk dəfə İen Maçado Qarriyə qarşı müdafiə etməsi nəzərdə tutulmuşdu.
