İslam Mahaçev Nyu-Yorkda keçirilən UFC 322-nin əsas döyüşündə rəqibi Cek Della Maddalenanı hakimlərin yekdil qərarı ilə məğlub edərək yarımorta çəki üzrə UFC çempionu titulunu qazanıb.
İdman.Biz xəbər verir ki, Dana Uayt qələbəni şərh edərkən Mahaçevin artıq UFC tarixinin ən böyük döyüşçülərindən biri kimi irəlilədiyini bildirib.
Uayt qeyd edib ki, döyüş vizual olaraq ən parlaq qarşılaşma olmasa da, Mahaçevin tam dominant performansı heyranlıq doğurur.
“Görəcəyiniz ən parlaq döyüş deyildi, amma bir şeyi deyim: tam hökmranlıq vardı. Bundan sonra nə edəcəyimiz və hadisələrin necə inkişaf edəcəyindən asılı olaraq, bu oğlan bütün dövrlərin ən böyük döyüşçüsü barədə müzakirələrə doğru irəliləyir”, - Uayt mətbuat konfransında vurğulayıb.
Hazırda Mahaçevin peşəkar rekordu 22 qələbə, 1 məğlubiyyətdir və onun yeganə məğlubiyyəti 2015-ci ilə təsadüf edir. Bu qələbə rusiyalı idmançının ən güclü UFC döyüşçülərindən biri kimi mövqelərini daha da möhkəmləndirib və qarşıdakı titul imkanlarını genişləndirib.
