Qazaxıstanın Astana şəhərində keçirilən cüdo üzrə “Böyük Dəbilqə” yarışı yekunlaşıb.
İdman.biz xəbər verir ki, Azərbaycan yığması turniri 3 bürünc medalla başa vurub.
Millimizin heyətində Elcan Hacıyev (90 kq), Vüqar Talıbov (90 kq) və Kamran Süleymanov (66 kq) mükafatçılar sırasında yer alıblar. Daha 5 cüdoçumuz medalın 1 addımlığında mübarizəni dayandıraraq, 5-ci olub. Bu nəticə ilə Azərbaycan “Böyük Dəbilqə”ni 17-ci pillədə başa vurub.
Yaponiya yığması (2-0-4) medal sıralamasında 1-ci yeri tutub. İtaliya (1-1-2) ikinci, Çin (1-1-1) isə üçüncü pillədə qərarlaşıb.
Qeyd edək ki, Azərbaycan yığması mayın 19-23-də Abu-Dabidə keçiriləcək dünya çempionatında iştirak edəcək.
İdman.biz
