Cüdo üzrə Azərbaycan yığması Zaqrebdə keçirilən qarışıq komandalar arasında dünya çempionatında finala yüksəlib.
İdman.biz-in məlumatına görə, tərkibində Məhəmməd Musayev, Ümid Qurbanov (hər ikisi 60 kq), Məryəm Bayramzadə, Vüsalə Hacıyeva (hər ikisi 48 kq), Aslan Kotsoyev, Mehdi Abbasov (hər ikisi 81 kq), Xədicə Qədaşova (63 kq), Rəsul Səmədli, Ramazan Əhmədov (hər ikisi +81 kq) və Kamilla Toxoliyeva (+63 kq) yer al komandamız Yunanıstan üzərində 4:1 hesablı qələbə ilə başlayıb. Azərbaycan cüdoçuları 1/4 finalda qazaxıstanlı rəqiblərinə (4:2), yarımfinalda isə Türkiyəyə (4:3) qalib gəlib.
Finalda yığmamız Fransa ilə qarşılaşacaq.
Nicat Zəkiyev
İdman.biz
