Beynəlxalq Gimnastika Federasiyası (FIG) Rusiya gimnastlarının beynəlxalq turnirlərdə milli bayraq və himnlə iştirakına icazə verib.
İdman.Biz xəbər verir ki, qərar “World Gymnastics”in Misirin Şarm əl-Şeyx şəhərində keçirilən İcraiyyə Komitəsinin iclasında qəbul olunub.
Qərar gimnastikanın beş növünü əhatə edir. Rusiya idmançıları idman gimnastikası, bədii gimnastika, batut gimnastikası, idman akrobatikası və idman aerobikası üzrə yarışlarda milli simvollarla çıxış edə biləcəklər.
