IFFHS-in yeni reytinqinə əsasən, 2025-ci il klublararası dünya çempionatında 1/4 finala çıxmış "Əl-Hilal" Asiyanın ən güclü komandasıdır.
İdman.biz xəbər verir ki, reytinqdə son bir ildəki nəticələr nəzərə alınıb.
Hesabında 211,75 xal olan "Əl-Hilal" dünya klubları arasında isə 54-cüdür.
Səudiyyə Ərəbistanının digər təmsilçisi, heyətində Kriştiano Ronaldonun çıxış etdiyi "Əl-Nəsr" isə 141 xalla Asiyada 5-ci, dünyada isə 124-cüdür.
Azərbaycan millisinin keçmiş yarımmüdafiəçisi Eddi İsrafilovun komandası - Malayziya çempionu "Johor Darul Ta'zim" 102,25 xalla qitədə 14-cü, dünyada isə 205-ci yerdədir.
Asiyada 21-ci, dünyada 260-cı mövqedə qərarlaşan İran çempionu "Traktor"un isə 86,75 xalı var.
İdman.biz
