"Paris" klubu Liqa 1-ə yüksəlib.
İdman.biz xəbər verir ki, Fransanın paytaxtının komandası vaxtından əvvəl yüksək diviziona vəsiqəni təmin edib.
"Paris" Liqa 2-nin 33-cü turunda "Martiq" ilə heç-heçə edib (1:1) və indi turnir cədvəlində ikinci yerdən aşağı düşməyəcək.
Finişə bir tur qalmış komanda lider "Loryen"dən 2 xal geri qalır.
"Paris" sonuncu dəfə 1978/79 mövsümündə Fransanın yüksək liqasında çıxış edib. Komandanın ən yaxşı nəticəsi 1972/73 mövsümündə 12-ci yer olub.
Qeyd edək ki, sonuncu dəfə 1989/90 mövsümündə paytaxtın iki klubu - PSJ və "Rasinq Paris" Fransanın yüksək liqasında çıxış edib.
İdman.biz
