"Yeni qurulan komandayıq. Yeni oyunçular gəlib. Komanda formalaşdırmaq müəyyən vaxt alacaq".
İdman.biz xəbəe verir ki, bunu "Kəpəz"in baş məşqçisi Adil Şükürov deyib.
Gənc mütəxəssis Azərbaycan Premyer Liqasını II turunda "Qarabağ"a 0:3 hesablı məğlubiyyəti şərh edib: "Belə nəticələrin olması təbiidir. Komandanı daha da yaxşı vəziyyətə gətirməyə çalışırıq. Ötənilki kimi mübariz komanda formalaşdırmaq istəyirik. Bu yöndə də işimiz davam edir. Özüm komandaya inanmaq istəyirəm. Məşqçi olaraq komandaya inanmalıyıq. "Kəpəz" elə-belə komanda deyil, tarixi klubdur. Azarkeş də bu məğlubiyyəti qəbul etmir. Biz də etmirik, istəmirik. Məğlubiyyətlər acıdır. Futbolçuların psixoloji durumlarını düzəltmək istəyirik. Hər kəs istəyir ki, əvvəlki komanda qurulsun. Ötənilki komandanın demək olar ki, 80-90 faizi yoxdur".
Qeyd edək ki, "Kəpəz" çempionatda keçirdiyi hər iki oyunda uduzub.
İdman.biz
