Yunanıstanın “Olimpiakos” futbol klubunun rəhbərliyi komandaya yeni baş məşqçi təyin edib.
İdman.Biz xəbər verir ki, İmanol Alquasil bu postda həmvətəni Xose Luis Mendilibarı əvəzləyib.
Alquasil sentyabrın 10-da komanda ilə işə başlayacaq və ilk məşqini keçirəcək.
İspan mütəxəssis karyerasının əsas hissəsini “Real Sosyedad”la bağlayıb. Alquasil San-Sebastiyan klubunun yetirməsidir. O, burada futbolçu kimi çıxış edib, sonradan isə məşqçi kimi çalışıb.
O, 2018–2025-ci illərdə “Real Sosyedad”ın əsas komandasına rəhbərlik edib və onun sükanı arxasında 339 matç keçirib. Mütəxəssisin əsas nailiyyəti 2019/20 mövsümündə İspaniya Kubokunu qazanması olub.
Alquasilin son iş yeri 2026-cı ilin fevralında tərk etdiyi Səudiyyə Ərəbistanının “Əl-Şabab” klubu olub.
