İspaniyanın “Barselona” futbol komandasının baş məşqçisi Hansi Flik ardıcıl iki məğlubiyyətdən sonra futbolçularla qeyri-adi görüş keçirib.
İdman.Biz “Mundo Deportivo”ya istinadən xəbər verir ki, komanda Çempionlar Liqasında PSJ-yə 2:4, La Liqada isə “Real”a 1:2 hesabı ilə uduzandan sonra Joan Qamper idman şəhərciyində kabab məclisi təşkil edilib.
Görüş təxminən saat yarım davam edib. Məqsəd komanda daxilində ünsiyyəti bərpa etmək və birliyi möhkəmləndirmək olub.
“Söhbət baş verənləri silməkdən deyil, bununla birlikdə barışmaqdan gedir”, - deyə klubdaxili mənbə bildirib.
Flik üçün əsas problem müdafiə xəttidir. Erik Qarsiya, Andreas Kristensen və Xavi Espartın zədəsi səbəbindən alman mütəxəssis şənbə günü “Alaves”lə oyunda yeni müdafiə kombinasiyası qurmalı olacaq.
“Barselona” turnir cədvəlində liderdir. “Atletiko” ondan iki, “Real” isə üç xal geridədir.
