Türkiyə Superliqasının yeddinci turunda “Gənclərbirliyi” və “Amedspor” komandaları arasında keçirilən görüş 2:2 hesablı heç-heçə ilə başa çatıb.
İdman.Biz xəbər oktyabrın 10-da Ankaranın “Eryaman” stadionunda baş tutan qarşılaşmada hesabı qonaqlar açıblar. 25-ci dəqiqədə Dia Saba “Amedspor”u önə keçirib.
54-cü dəqiqədə Rafael Luis tarazlığı bərpa etsə də, 68-ci dəqiqədə Samuel Balle qonaqları yenidən hesabda irəli çıxarıb.
Diyarbəkir təmsilçisi qələbəyə yaxın olsa da, matçın əsas vaxtına əlavə edilmiş dəqiqələrdə Talisson Kelven fərqlənərək meydan sahiblərini məğlubiyyətdən xilas edib - 2:2.
Bu nəticədən sonra “Amedspor” 7 oyunda topladığı 14 xalla turnir cədvəlində ikinci pillədə qərarlaşıb. Komanda lider “Qalatasaray”dan 2 xal geri qalır.
“Gənclərbirliyi” isə 8 xalla 11-ci yerdədir.
Beləliklə, “Amedspor” liderlə xal fərqini minimuma endirmək fürsətini əldən verib.
