“Bakı Olimpiya Stadionu (BOS) artıq oktyabr ayının ilk günlərindən tam hazır vəziyyətə gətiriləcək”.
Bu barədə “Sabah” futbol klubunun mətbuat katibi Elnur Həmidov İdman.Biz-ə açıqlamasında bildirib.
Klubun hazırlıq və məşq prosesinə gəlincə, o qeyd edib ki, “Sabah” Çempionlar Liqasının növbəti oyununa öz bazasında hazırlaşır.
Qeyd edək ki, “Sabah” Çempionlar Liqasının əsas mərhələsində ilk ev oyununu oktyabrın 13-də keçirəcək. Paytaxt təmsilçisi həmin gün Çexiyanın “Slaviya” klubunu qəbul edəcək. Qarşılaşma Bakı vaxtı ilə saat 20:45-də başlayacaq.
