Türkiyə millisinin sabiq baş məşqçisi Fatih Terim Türkiyə-İtaliya oyunu öncəsi qarşılaşma ilə bağlı fikirlərini bölüşüb.
İdman.Biz xəbər verir ki, təcrübəli mütəxəssisin fikirlərini Türkiyə mətbuatı dərc edib.
Terim Türkiyə millisində Hakan Çalhanoğlu və Kenan Yıldızın yoxluğunun hiss olunacağını, lakin komandada Arda Gülər və Can Uzun kimi istedadlı futbolçuların olduğunu bildirib.
Təcrübəli mütəxəssis belə oyunların gənc futbolçular üçün məsuliyyət götürmək baxımından yaxşı fürsət olduğunu vurğulayıb.
Terimin sözlərinə görə, Türkiyə İtaliyaya qarşı cəsarətli və ağıllı oyun nümayiş etdirməlidir.
O, komandanın əsas futbolçularının yoxluğuna baxmayaraq, Türkiyənin kifayət qədər keyfiyyətli heyətə sahib olduğunu qeyd edib.
Terim həmçinin Türkiyə futbolunda yüksək potensialın olduğunu, lakin nəticə əldə etmək üçün sabitlik və düzgün düşüncə tərzinin vacib olduğunu söyləyib.
Sabiq baş məşqçi İtaliya millisinin son illərdəki nəticələri barədə də fikirlərini bölüşüb.
O, İtaliya futbolunda gənc oyunçulara daha çox imkan verilməsinin vacibliyini vurğulayıb.
Qeyd edək ki, Türkiyə-İtaliya qarşılaşması bu gün, Bakı vaxtı ilə 22:45-də başlayacaq.
Qeyd edək ki, oyun DÇ-2026-nın seçmə mərhələsi çərçivəsində keçiriləcək.
