“Araz-Naxçıvan” “Neftçi”nin hücumçusu Ağadadaş Salyanskini icarə əsasında heyətinə cəlb edib.
İdman.Biz xəbər verir ki, məlumatı “Neftçi” klubunun mətbuat xidməti də təsdiq edib.
Qeyd olunur ki, icarə əsasında “qırmızı-ağlar”ın formasını geyinəcək 22 yaşlı forvardla anlaşmanın müddəti 1 illikdir.
Qeyd edək ki, “Araz-Naxçıvan” buna qədər daha yeddi yerli futbolçu ilə müqavilə imzalayıb. Onlar Tərlan Əhmədli, Ömər Buludov, İbrahim Piriyev, Ülvi İsgəndərov, Rəşad Həsənov, Rövlan Muradov, Mustafa Əhmədzadədir.
