Türkiyənin “Qalatasaray” futbol klubunda növbəti Seçkili Ümumi Yığıncağın keçiriləcəyi tarix rəsmən açıqlanıb. “Sarı-qırmızılılar” klubun yeni prezidentini müəyyənləşdirmək üçün seçki keçirəcəklər.
İdman.Biz klubun rəsmi məlumatına istinadla xəbər verir ki, seçkilər 16 may 2026-cı il şənbə günü “Qalatasaray” Liseyinin Tofiq Fikrət salonunda baş tutacaq. Həmin tarixdə yetərsay təmin edilməsə, səsvermə 23 may şənbə günü eyni məkanda və eyni saatda çoxluq qeydinə ehtiyac olmadan keçiriləcək.
