Qana millisinin portuqaliyalı yeni baş məşqçisi Karlos Keyruşun müqaviləsinin detalları açıqlanıb.
İdman.Biz xəbər verir ki, portuqaliyalı mütəxəssis 4 aylıq müqavilə üçün təxminən 90 min dollar(153 min manat) qazanacaq. Bu qısamüddətli razılaşma böyük təzyiqlə müşayiət olunur - onun qarşısına Qana yığmasını 2026-cı il dünya çempionatında həlledici mərhələsinə çıxarmaq vəzifəsi qoyulub.
Maraqlıdır ki, müqavilədə xüsusi uzadılma bəndi də yer alıb. Belə ki, Keyruş yalnız komandanı dünya çempionatının yarımfinalına çıxara biləcəyi halda vəzifəsində qalacaq. Bu hədəf real görünməsə də, Qana Futbol Assosiasiyasının yüksək gözləntilərini əks etdirir.
Təcrübəli məşqçi Qana yığmasına 5 köməkçidən ibarət heyətlə qoşulacaq. Bu addım komandanın hazırlıq səviyyəsinin yüksəldilməsi və strukturun yenidən qurulması baxımından vacib hesab olunur, xüsusilə də məhdud vaxt amili nəzərə alınaraq.
