20 yaşadək futbolçulardan ibarət Azərbaycan milli komandası hazırlıq prosesi çərçivəsində İraq yığması ilə iki yoldaşlıq görüşü keçirəcək.
İdman.Biz xəbər verir ki, qarşılaşmalar millimizin təlim-məşq toplanışının ikinci mərhələsində baş tutacaq.
İlk oyun noyabrın 17-də Sumqayıtdakı "SOCAR Polymer Arena"da keçiriləcək. Görüş saat 19:00-da başlayacaq.
Komandalar arasında ikinci qarşılaşma isə noyabrın 20-də Bakıda, Tofiq Bəhramov adına Respublika Stadionunda təşkil olunacaq. Matçın start fiti saat 16:00-da səslənəcək.
Hər iki görüş canlı yayımlanacaq. İlk oyunu "CBC Sport" telekanalı, ikinci qarşılaşmanı isə kanalın rəsmi YouTube səhifəsi vasitəsilə izləmək mümkün olacaq.
Qeyd edək ki, noyabrın 9-dan Qəbələdə təlim-məşq toplanışında olan U-20 millimiz hazırlığın ikinci mərhələsinə noyabrın 16-dan etibarən Bakıda davam edəcək.
