“Benfika”nın baş məşqçisi Joze Mourinyo komandası ətrafında yaranan tənqidlərə münasibət bildirib.
İdman.Biz xəbər verir ki, portuqaliyalı mütəxəssis fikirlərini Çempionlar Liqasının “Benfika” - “Real”(Madrid) oyunundan sonra (4:2) səsləndirib.
O bildirib ki, bu gün təriflənən “Benfika” yenidən məğlub olarsa eyni tənqidlərlə üz-üzə qalacaq.
Mourinyo xatırladıb ki, bir vaxtlar Çempionlar Liqasının beşinci turundan sonra cəmi 0 xala malik olsalar da, “Napoli”, “Real” və “Yuventus”la oyunlarda məqsədlərinə çatmağı bacarıblar.
Portuqaliyalı mütəxəssis futbolçularının ondan istədiyini yerinə yetirdiyini vurğulayıb.
“Onlar mənim xahişimi yerinə yetirdilər: ya öldürəcəksən, ya da səni öldürəcəklər” - deyə J.Mourinyo fikrini tamamlayıb.
