Misli Premyer Liqasında çıxış edən "Sabah" və "Şamaxı" komandaları arasında keçirilən yoxlama oyunu başa çatıb.
İdman.Biz xəbər verir ki, oyun Premyer Liqanın lideri "Sabah"ın 2:0 hesablı üstünlüyü ilə yekunlaşıb.
Qeyd edək ki, "Sabah" 16 turdan sonra 37 xalla turnir cədvəlində birincidir. "Şamaxı" isə 20 xalla yeddinci pillədə qərarlaşıb.
13:20
Qış təlim-məşq toplanışını Azərbaycanda davam etdirən “Sabah” və “Şamaxı” bu gün yoxlama oyununda üz-üzə gələcək.
İdman.Biz xəbər verir ki, qarşılaşma “Bank Respublika Arena”da keçiriləcək və oyun saat 16:00-da start götürəcək. Bu, hər iki komanda üçün cari qış hazırlıq mərhələsində ilk yoxlama matçı olacaq.
Qeyd edək ki, “Şamaxı” yanvarın 17-də “Liv Bona Dea Arena”da U-21 Azərbaycan millisi ilə də qarşılaşacaq. “Sabah” klubunun isə hələlik digər yoxlama oyunları üçün rəqibi açıqlanmayıb.
