İspaniyanın “Barselona” komandasının hücumçusu Robert Levandovski Avropanın top-5 liqalarında 500-cü oyununa çıxıb.
İdman.Biz xəbər verir ki, polyak forvard bu göstəriciyə İspaniya La Liqasının 17-ci turunda “Vilyarreal”a qarşı keçirilən və “Barselona”nın 2:0 hesablı qələbəsi ilə başa çatan matçda nail olub.
Levandovski oyuna 62-ci dəqiqədə, Ferran Torresin əvəzinə daxil olub.
Qeyd edək ki, təcrübəli hücumçu top-5 liqalarda indiyədək 389 qol vurub. Bu göstəricidə o, yalnız “İnter Mayami”nin hücumçusu Lionel Messi (496 qol) və “Ən-Nəsr”in forvardı Kriştianu Ronaldundan (495 qol) geri qalır.
Cari mövsümdə Levandovski La Liqada 13 oyunda səkkiz qol vurub və bir məhsuldar ötürmə ilə yadda qalıb.
