AFFA Hakimlər Komitəsinin sədri Rəhim Həsənov Misli Premyer Liqasının 15-ci turunda keçirilən oyunlarda mübahisəli epizodlarla bağlı fikirlərini bildirib.
İdman.Biz xəbər verir ki, mütəxəssis bu barədə qurumun mətbuat xidmətinə açıqlama verib.
O, “Şamaxı” - “Zirə” (2:1), “Kəpəz” - “Qəbələ” (1:0) və “Qarabağ” - “Araz-Naxçıvan” (5:1) matçlarında qeydə alınan ümumilikdə 6 epizodla bağlı fikirlərini bölüşüb.
Mütəxəssis hakimlərin həmin epizodlar zamanı düzgün qərarlar verdiyini bildirib.
