“Onun səsləndirdiyi fikirlərə reaksiya vermək istəmirəm”.
Bu sözləri Azərbaycan millisinin sabiq futbolçusu, hazırda “Turan Tovuz”un məşqçilər korpusunda yer alan mütəxəssis Yunis Hüseynov söyləyib.
Hazırda “Turan Tovuz”un məşqçilər korpusunda yer alan təcrübəli mütəxəssis millinin baş məşqçisi Ayxan Abbasovun “Bu gün Yunis Hüseynova cavab vermirəm. Cavab versəm, Yunis müəllim sevinər. Amma millidən gedəndən sonra ona sözümü deyəcəyəm” sözlərinə cavab verib.
“Telefonum 24 saat açıqdı. Gözləyək görək nə olur. Mən düşünürəm ki, bunu çox şişirtməyə ehtiyac yoxdur. Mən öz fikirlərimi demişəm, Ayxan müəllim də öz fikirlərini açıqlayıb. Məncə, o qədər də şişirtməyə lüzum yoxdur”, - deyə o, sport24.az-a açıqlamasında deyib.
