İspaniya La Liqasının 15-ci turu çərçivəsində “Real Madrid” “Selta Viqo”nu qəbul edib.
İdman.Biz xəbər verir ki, oyunun 24-cü dəqiqəsində “Real”ın müdafiəçi Militao zədələnərək meydanı tibbi heyətin köməyi ilə tərk edib.
İlk yarıda hesab açılmayıb.
İkinci hissənin 54-cü dəqiqəsində Svedberqin qolu ilə “Selta” hesabda önə keçib – 0:1.
Qarşılaşmanın 64-cü dəqiqəsində “Real”ın heyətindən Fran Qarsiya ikinci sarı vərəqə ilə oyundan qovulub.
Qarşılaşmanın 90+3-cü dəqiqəsində “Selta” Svedberqin dublu ilə hesabı 0:2 edib. Oyun bu hesabla da başa çatıb.
