El Klasikonun sonunda kütləvi qarşıdurma - FOTO + VİDEO

İspaniya La Liqasının 10-cu turunda El Klasikonun - “Real” – “Barselona” oyununun sonunda futbolçular arasında insident baş verib.

İdman.Biz xəbər verir ki, final fitinə az qalmış texnini zonada gərginlik yaranıb.

Toqquşmanın fəal iştirakçıları “Barselona”nın yarımmüdafiəçisi Rafinya və “Real”ın hücumçusu Vinisius Junior olub.

Matç başa çatandan sonra kütləvi qarşıdurma meydanda da davam edib. Lakin insident əlbəyaxa dava səviyyəsinə çatmayıb.

View this post on Instagram

A post shared by İdman və Biz (@idmanbiz)

Qeyd edək ki, Madridin “Santyaqo Bernabeu” stadionunda keçirilən qarşılaşma “kral klubu”nun 2:1 hesablı qələbəsi ilə başa çatıb.

Bu qələbədən sonra xalını 27-ə yüksəldən “Real” turnir cədvəlində liderliyə yüksəlib. “Barselona” isə 22 xalla ikinci pillədə qərarlaşıb.

İdman.Biz