Argentina U-20 milli komandası dünya çempionatının yarımfinalında Kolumbiyanı 1:0 hesabı ilə məğlub edib.
İdman.Biz xəbər verir ki, oyunda hesab 72-ci dəqiqədə açılıb.
Matçın yeganə qolunu “İnter Mayami”nin hücumçusu Mateo Silvetti vurub.
79-cu dəqiqədə kolumbiyalı yarımmüdafiəçi Con Renteriya ikinci sarı vərəqə alaraq meydandan qovulub və komandası azlıqda qalıb.
Beləliklə, Argentina finalda Mərakeş yığması ilə qarşılaşacaq. Afrika təmsilçisi yarımfinalda Fransanı penaltilərlə (1:1, pen. — 4:3) məğlub edib.
