Zəfər Gününə həsr olunmuş veloyürüş keçirilib

Xəbərlər
5 Noyabr 2023 13:47
177
Zəfər Gününə həsr olunmuş veloyürüş keçirilib

Azərbaycan Velosiped Federasiyası (AVF) və Müdafiə Sənayesi Nazirliyinin (MSN) birgə təşkilatçılığı, Gənclər və İdman Nazirliyinin dəstəyi ilə Səbail rayonunda yerləşən Veloparkın ərazisində 8 Noyabr - Zəfər Günü münasibətilə veloyürüş keçirilib.

İdman.biz xəbər verir ki, Ümummilli Lider Heydər Əliyevin layiqli davamçısı Azərbaycan Respublikasının Prezidenti, Müzəffər Ali Baş Komandan cənab İlham Əliyevin güclü iradəsi və qətiyyətli rəhbərliyi, xalqımızın birliyi, yenilməz Ordumuzun rəşadəti hesabına Vətən müharibəsində qazanılmış tarixi Qələbəyə həsr olunan veloyürüşdə milli komandamızın, AVF-nin, həmçinin MSN-in Velosiped İdman Klubunun üzvləri, Dövlət Miqrasiya Xidmətinin əməkdaşları, digər peşəkar və həvəskar velosipedçilər iştirak ediblər.

Ümumilikdə 100 nəfərdən çox velosipedçi Veloparkın mərkəzindən start götürərək təyin olunmuş marşrut üzrə 2 dairə vurublar.

İdman.biz