“Baku Open” şahmat festivalında dördüncü turun oyunları keçirilib.
İdman.biz xəbər verir ki, maksimum nəticə göstərən Məhəmməd Muradlı vahid lider olub.
Azərbaycanlı qrossmeyster bu turadək 100 %-lik göstəricən hindistanlı S. Asvata qalib gəlib. Murad İbrahimli, Xəzər Babazadə, Misrəddin İsgəndərov və Aydın Süleymanlı öz partiyalarını heç-heçə ilə başa vurublar.
"Baku Open"in mükafat fondu 55 min dollardır. Yarışda 16 ölkədən 700-ə yaxın şahmatçı çıxış edir.
Dördüncü turun ən maraqlı oyunları:
Məhəmməd Muradlı – S. Asvat (Hindistan) - 1:0
Aleksandr İnciç (Serbiya) – Mixail Brodski (Ukrayna) - 1:0
Murad İbrahimli – Baadur Cobava (Gürcüstan) - 0,5:0,5
Aditya Mittal (Hindistan) – Roman Şoqciyev (FIDE) - 0,5:0,5
Xəzər Babazadə – Misrəddin İsgəndərov - 0,5:0,5
Aydın Süleymanlı – Jiancun Ksie (Çin) - 0,5:0,5
Üç turdan sonra turnir cədvəlinin üst sıralarında qərarlaşanlar:
1. Məhəmməd Muradlı - 4 xal, 2. Aleksandr İnciç (Serbiya) 3. Xəzər Babazadə, 4. Murad İbrahimli, 5. S. Asvat (Hindistan), 6. Misrəddin İsgəndərov, 11. Raed Səmədov - hərəyə 3 xal...
İdman.biz
