Şarm Əl-Şeyxdə keçirilən 8-12 yaşlı uşaqlar arasında şahmat üzrə dünya çempionatı turniri ekvatorunu keçib.
İdman.biz xəbər verir ki, 6 turdan sonra Azərbaycanın gənc idmançıları arasında ən çox xal toplayan Xaqan Əhməd (U-12) olub.
Son oyun günündə o, Andrey Neqreaan (Rumıniya) üzərində qələbə qazanaraq xalını 5-ə çatdırıb. Əhməd üçüncü yerdədir, yalnız əlavə göstəricilərə görə ikinci yerdə qərarlaşmış Aaron Mendezdən (Kanada) geri qalır.
6-cı pillədə qərarlaşan Paşam Əlizadə komanda yoldaşından yarım xal geri qalır.
U-10-da dördüncü yerdə olan Əsnad Baxşızadə 4,5 xala malikdir.
Zəki Feyzullayev
İdman.biz
