Azərbaycanın kişi şahmatçılardan ibarət yığmasının posteri hazırlanıb.
İdman.biz xəbər verir ki, beynəlxalq şahmat portallarından biri millimizin Olimpiada üçün heyətini orijinal şəkildə təqdim edib.
Sentyabrın 10-23-də Budapeştdə keçiriləcək Olimpiadaya qatılacaq yığmamızın heyətində Şəhriyar Məmmədyarov, Rauf Məmmədov, Nicat Abasov, Məhəmməd Muradlı və Aydın Süleymanlı yer alıb.
Olimpiada rekord sayda iştirakçısını bir araya gətirəcək. Açıq turnirdə 193, qadınların yarışında isə 181 komanda mübarizə aparacaq.
Qeyd edək ki, iki il əvvəl Çennai Olimpiadasında 188 kişi və 162 qadın komandası mübarizə aparıb.
İdman.biz
