Yunanıstanın Rodos adasında Avropa Klub Şahmat Kuboku davam edir.
İdman.Biz-in məlumatına görə, altıncı turda Azərbaycanın “Vüqar Həşimov” komandası (Rauf Məmmədov, Aydın Süleymanlı, Əhməd Əhmədzadə, Read Səmədov, Vüqar Manafov, Xəzər Babazadə və Qazaxıstandan Nogerbek Kazıbek) Almaniyanın “Verder Bremen” komandasını 4,5-1,5 hesabı ilə məğlub edib.
Bu qələbə ilə klub 10 xalla turnir cədvəlində altıncı yerdədir. Şəhriyar Məmmədyarov və Xaqan Əhmədin oynadığı Türkiyə komandaları “Beyegan Pendik” və “Türk Hava Yolları” hərəyə 9 xalla müvafiq olaraq səkkizinci və doqquzuncu yerdədirlər.
Gövhər Beydullayevanın oynadığı Serbiyanın “Sirmium Sremska Mitrovica” komandası 10 xalla ikinci, Ülviyyə Fətəliyevanın oynadığı Rumıniyanın “Superchess” komandası isə 7 xalla altıncı yerdədir.
Turnir İsveçrə sistemi ilə yeddi turda keçirilir və oktyabrın 25-də başa çatacaq.
