16 yaşlı qız basketbolçulardan ibarət Azərbaycan millisi Qazaxıstanın Atırau şəhərində "Airom Cup" beynəlxalq turnirində növbəti oyunlarını keçirib.
İdman.biz xəbər verir ki, yığmamız üçüncü matçında Rusiyanın "MBU Volqoqrad" klubu ilə üz-üzə gəlib.
Basketbolçularımız 67:38 hesablı qələbəyə seviniblər. Onlar günün ikinci oyununda isə Qazaxıstan təmsilçisi "Aul Sport"la qarşılaşıb və 59:39 hesabı ilə rəqibinə qalib gəlib. Bu, millimizin turnirdə "Aul Sport" klubu üzərində ikinci qələbəsi olub.
Qeyd edək ki, əvvəlki 2 oyunda da üstün olan komandamız növbəti qarşılaşmasına sabah çıxacaq.
İdman.biz
