Basketbolun 3x3 növü üzrə Qadın seriyasının Bakı mərhələsi davam edir.
İdman.biz xəbər verir ki, bu gün başa çatacaq yarışın ikinci günü 1/4 final görüşləri ilə başlayıb.
Azərbaycan millisi Latviya ilə üz-üzə gələcək. Üç gün əvvəl Dünya kubokunun seçmə oyununda 11:18 hesabı ilə uduzaraq Monqolustandakı həlledici turnirə vəsiqəni əldən verən yığmamız Baltikyanı ölkə təmsilçisindən revanş almağa çalışıb. Amma komandamız istəyinə çatmayıb. Latviyalar 21:16 hesabı ilə qalib gəliblər.
Qeyd edək ki, Latviya - Azərbaycan cütünün qalibi yarımfinalda Çin - Avstriya matçının güclüsü ilə qarşılaşacaq.
Qadın seriyası
Bakı mərhələsi
1/4 final
27 may
17:00. Niderland - İtaliya - 21:14
17:25. Misir - "Takasaki" - 20:19
17:50. Çin - Avstriya - 21:14
18:15. Latviya - Azərbaycan - 21:16
İdman.biz
